Бір күндік сауда

Форекстегі бір күндік сауда (дейтрейдинг) бір сауда күні ішінде бір немесе бірнеше мәмілелерді жасауды білдіреді. Әдетте, мәмілені ашу және жабу арасындағы уақыт аралығы бірнеше минуттан бірнеше сағатқа дейін жалғасады.

Бір күндік сауда валюта нарығында өте белсенді позицияны ұстанатын трейдерлер арасында ерекше танымалдыққа ие болды. Негізінен, бұл Форексте күнделікті жұмыс істейтін трейдерлер.

Дейтрейдингтің кейбір қиындықтарына қарамастан, сауданың бұл түрі жаңа келгендер мен тәжірибелі трейдерлер арасында кеңінен тараған. Бір күндік сауда аздаған қаражат жұмсап, барынша қысқа мерзімде пайда алу мүмкіндігімен тартымды.

Бір күндік саудада оң нәтижеге қол жеткізу үшін Форекстегі бағаның қозғалысына қатысты дұрыс болжам жасай білу өте маңызды, өйткені көптеген сыртқы факторлар валюта нарығының үлкен құбылмалылығына себепші болады. Сондықтан бір күндік сауда сәтті болу үшін, нарықтағы жағдайды мұқият бақылап, фактілерді салыстырып, қандай да бір валютаның баға жосығына қатысты тұжырымдар жасап және мәмілелерді ашу және жабу кезінде кіру және шығу нүктелерін дер кезінде табу үшін, реакциясы жақсы болуы керек. Техникалық талдаудың терең білімін шыдамдылық және аңғарғыштықпен үйлестіре отырып, трейдердің салыстырмалы түрдегі аздаған тәуекелмен әжептәуір табыс табу мүмкіндігі бар.

Дейтрейдингке арналған бірнеше стратегиялар бар. Солардың ішінде ең көп таралғаны скальпинг — бір күн ішінде бірнеше позицияларды тез ашуды және жабуды білдіретін жүйе болып табылады. Трейдер уақыттың қысқа аралығында табысты аяқталған мәмілелердің көп болуы себепті табыс тауып, пайданың бар болғаны бірнеше пункттерінде мәмілені жабады.

Тағы бір танымал стратегия жаңалықтарда саудалау болып табылады. Жаңалықтарда саудалауды таңдаған трейдерлер валюта нарығындағы жағдайларды үнемі қадағалап, түрлі жағдайлардағы валюталардың жосығын талдайды және салыстырады. Әдетте, жаңалықтармен саудалау нарықтың дамуын ұзақ уақыттай зерттеуді, сәйкесінше, сауданың белгілі бір тәжірибесін жинақтауды қажет етеді.

Сондай-ақ, шегінімде саудалау жүйесі де бар, мұнда позициялар нарықтың белсенділігі бәсеңдейтін кезеңде трендке қарсы ашылады.

Бір күндік сауда, тиімді сауда аспаптарын және трейдингке барлық бос уақытын арнауға дайындығын ұштастырған, сауда стратегиясын дұрыс қойғанда, қомақты табыс көзі болуы мүмкін.